ابتسم فأنت في الاردن

**الجمعة يناير 11, 2008 4:09 pm**

ابتسم أنت في الأردن

إذا مشيت بالشارع يوم من الأيام ... وشفت سياره تكسي صفرا
من جوا ضو أزرق ... وسي دي معلق على المراي ... وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات ... فأنت تسير في شوارع الأردن

إذا كنت واقف على الإشارة ولما تصير صفرا بتسمع سبعين واحد بيزمرو وراك .... فأنت في الأردن

إذا كنت ماشي وعلى بعد 200 متر إشارة خضرا .. وشفت كل السيارات بتتجاوز عنك عن اليمين .. عن الشمال ... مش فارقه .. المهم يلحقوا الإشارة خضرا .... بتكون في الأردن

إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك في إحدى الدوائر الحكومية في الأردن

اذا سمعت الحوار التالي
- ألو
- ألو
- مرحبا
- هلا .. هلا
- كيف الحال
- والله الحمد لله ... انت شو أخبارك
- تمام الله يسلمك
- شو فيه ما فيه
- والله صافيه وافيه .. مين معي
- انت الطالب .. مين حضرتك
- مش تليفون ابو غازي
- لا يا خوي النمره غلط
- آه ... حقك علي يابه
- ولا يهمك .. كسبنا سماع هالصوت
- يا سيدي الله يحي اصلك .. من وين انت
- انا من الملاطشه
- هاظا احنا قرايب، شو بكونلك مزعل الملاطشة.
- والله ما بعرف، اكيد من هالعيلة، عدم مؤاخذه الملاطشة كثار، هو شو بشتغل مزعل.
- خابرة لواء بالدائرة.
- اهههههههه هاظ بكون ابن عم ابوي الخي البي، وامبارح سهر عنا
- يا سيدي حياك الله ... مع السلامه
- هلا .. هلا .. الله معك
طبعا اذا سمعت مثل كل هذا الحوار ... والنمره غلط ... فأنت أكيد في الاردن

اذا كنت تتحدث مع شخص عن أسعار الاراضي ... وقالك انه الارض الفلانيه اللي بعبدون كانت لجده وكان يزرع فيها بندوره وفقوس .. وباعها بثلاثمية ليره بالستينات ... فأنت اكيد في الاردن

اذا كنت ماشي بالشارع ... وشفت واحد بيجح بخلقتك .. هيك بدون سبب ... لا هو مسلِم .. ولا هو مبتسم لك ... بس بيجح كانك قاتل ابوه .... فانت ماشي في الاردن

اذا رن عليك واحد مش شايفه صار لك عشرطعشر سنه ... وساعه وهو يسلم عليك ويمدح فيك وآخر اشي سألك : بالله وين محول راتبك .... اكيد بتكون بالاردن

اذا كنت قاعد بمكان عام ... وكل اللي حواليك ماسكين موبايلاتهم وسمعت .. " بالله شغل البلوتوث .. بدي أبعث لك شغله طقع " ... بتكون بالاردن

اذا سمعت كلمة صافيه وافيه ... وهي لا صافيه ولا وافيه .. بتكون بالاردن

اذا شفت بكم ديانا موديل الف وتسعميه وخشبه محمل بندوره والشوفير شاد الشماغ على راسه ومش شايف لا شمال ولا يمين .. ويا أرض اشتدي ما عليكي أدي .. بدي أسبق كل التكاسي .. بتكون بالاردن

اذا الدنيا رشت شوية بَرَد ...ووزارة التربية علَقت الدراسه .. والحكومة اعلنت عطلة رسمية بسبب خوفها من الثلج الغادر .. والتلفزيون بث مسرحية العيال كبرت .... معناته انت كمان بالاردن

اذا شفت الجو ..هَه .. برشرش ثلج والناس بتقدر تركظ عالخبز والكاز بس ما بتقدر تروح تداوم ... برضه بتكون بالاردن

(( منقوووووووول))

**الجمعة يناير 11, 2008 11:04 pm**

هههههههههههههههه
والله معك حق كل هاي مظاهر لحياة الشعب الاردني
بس نسيتي تحكي انو ازا رحت بدك تشتري جرت غاز ولقيت سعرها بالعلالي
اعرف انك بالاردن
هههههههههههه

مع تحياتي :
انا مرامك

**الجمعة يناير 11, 2008 11:59 pm**

هههههههههههههههههههه
طبعا مع ارتفاع الاسعار لازم مش تعرف
تتأكد انك في الاردن

مشكوووووورة
نورتي

أختك في الله

**الخميس يناير 17, 2008 1:52 am**

أنا هلأ

اتأكدت اني بالأردن

لأني طلعت على الشارع

وشفت بعيني

ما حد حكالي

هههههههههههههههههه

يسلموا ايديكي على الموضوع

ويبقى الأمل

**الجمعة يناير 18, 2008 10:35 pm**

ههههههههه
اهلين صدى
اكيد شفت والا بتضحك علينا؟؟؟؟؟؟
تأكد منيح

اهلا وسهلا فيك
نورت

أختك في الله

**الإثنين مارس 10, 2008 4:00 pm**

هههههههههههههههههههههههههههههههههههههههههههههه
تماااااااااااااااااااااااااااااااام التمااااااااااااااااااااااااااااااااااام

عنجد احنا بالاردن

يسلمووووووووووووووووووووووووووو

ابتسم فأنت في الاردن

ابتسم فأنت في الاردن

رد: ابتسم فأنت في الاردن

رد: ابتسم فأنت في الاردن

رد: ابتسم فأنت في الاردن

رد: ابتسم فأنت في الاردن

رد: ابتسم فأنت في الاردن