هل جيلنا جيل فاشل ؟؟

**الأحد يناير 13, 2008 6:18 pm**

لقد اعجبني هذا الاستفسار والسؤال وأحببت ان انقله لأرى رأيكم فيه !!

الكثير من أهالي هذه الأيام يعتبروننا جيل فاشل...

وانه الزمان تغير وليس مثل ما كان عليه..

وأننا لا نقدر على تحمل أي مسؤولية..

وأنه زمن الاتكال على الغير..

تسمعهم يتحسرون على ايامهم الماضية..

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟

وهل يخلو عصرنا من كل شيء جميل لهذه الدرجة التي يرونها ؟؟؟

اريد ان اسمع ارائكم بعقلانيه دون تعصب لزماننا

هل فعلا نحن جيل فاشــــــــــل ؟!!!

أختكم في الله

**الجمعة يناير 18, 2008 7:25 pm**

شكرا دموع على اثارة مثل هذا النوع من المواضيع
الذي يجعلنا نعترف بذاتنا و بأخطائنا
هو فعلا الزمان تغير وهو ايضا يتغير للاسوء
لكن السؤال الذ ي يطرح نفسه ما الذي غيره ؟
نحن شباب هذه الامة اتبعنا الغرب في جميع اتجاهاتهم
حتى تصرفاتنا اصبحت غربية لنخرج الى الشارع
لنشاهد الشباب والشابات خالفنا جميع قيمنا
ومبادئنا وهذا ما جعلنا اسوأ يفسرون هذه التصرفات
بالمراهقة لكن لننظر الى التاريخ كانوا شباب
وقادة كأسامة بن زيد وعلي بن ابي طالب الذي كان اول من امن من الفتيان
ولا يمكنني ان اعمم هذا على الجميع
فالخير سيبقى الى يوم الدين
وبصراحة يا دموع -برأيي انا - نحن بشر
وجميعنا نخطئ والاهل يقولون مثل هذا الكلام لعدة اسباب
انهم يكونون تحت ضغوط كثيرة وانهم يرسمون
لان يكون ابنائهم كما هم يريدون وكما يتمنون
وعصرنا جميل ويستحيل ان يخلو من الجمال ف
عصرنا اجمل من العصر القادم وهكذا
اتمنى دموع ان اكون قد اجبتك
تقبلي مروري

**الجمعة يناير 18, 2008 10:44 pm**

بس يا لانا انا بأييد كتير
تصرفات الاهالي
على الاقل بزمنهم كان في شوية تحفظ
يعني ما نسيو العادات والتقاليد والقيم الاسلامية
بس حاليا احنا شوي شوي بنترك كل القيم والعادات
لاجل انبطل متخلفين ونوصل للحضارة والتطور
انا مع انه جيلنا فاشل لانه نخبة الشباب اللي بتحمل القيم قليلة ونادرة
واسمحيلي احكي انها مستهجنة اقل كلمة بتنحكالهم انتو متخلفين
صح والا لا؟؟

فإحنا بزمن ما بيرحم
وللاسف الشديد الجيل اللي بعدنا رح يكون اسوأ
من زمنا ب100 مرة .

بس في بزمنا نقطة حلوة
هي انه انت بإمكانك توصل الرسالة
لأي نقطة بالعالم
والعالم راح يرحب فيها بس مجتمعك لا

مشكورة لانا على المرور
أختك في الله

**الجمعة يناير 18, 2008 11:14 pm**

دموع انت الي بتحكيه كله صح بس في نقطة سيئة عند مجمل الاهالي واتوقع انها العادات والتقاليد.
انت لاحظي العادات والتقاليد هي المسيطرة ع الفكر
يعني اذا سويت اشي مش كويس على سبيل المثال اول كلمة بتنحكى ( عيب )
مع انها بتكون حرام مش عيب
يعني لو لفينا ودرنا ما بنقدر نحكي غير انه في خطأ ع الاثنين
واذ انا وانت وهو وهي اشتغلنا وفهمنا هاد الشي فما بتوقع انه رح نصير جيل فاشل

**الجمعة يناير 18, 2008 11:18 pm**

بس تعي لانا احنا بالاجمل مجتمع عيبي

يعني كشباب بنتأثر بالعيب اكثر من الحرام

فالاهالي تيأثروا فينا بيستخدموا مصطلح العيب

لانه المجتمع هيك بده

وثاني اشي العادات والتقاليد شي مهم

لنحتفظ بمبادئنا لأنه لاتنسي عاداتنا وتقاليدنا

فيها جزء كبير من اخلاق وتعاليم الاسلام

ممكن انا بعارضك بهيك موضوع

لاني مع الاهالي !!!

**الجمعة يناير 18, 2008 11:25 pm**

اوك يا دموع
بس العيب والي بحكولها ( ثقافة العيب ) اشي سلبي وطبعا انا ضدد تسمايتها بالثقافة
ولازم كلنا شباب واهالي نتخلص منها

**الجمعة يناير 18, 2008 11:40 pm**

انا معك لازم نتخلص من ثقافة العيب
بس كيف بدك تتخلصي منها واذا افكار الشباب
مليانة بأمور اقل ما تحكي عنها تافهة

فالمشكلة مش مشكلة الاهالي
لانه الاهالي كافحوا لنوصل للراحة
وشقيوا وتعبوا بحياتهم لاجلنا واشتغلوا بكل الامور
لحتى يطعمونا بس للاسف احنا الي انكرنا جميلهم
ولا تنسي كمان زي ما في اهالي متمسكة بالعادات
في اهالي باعوها . فالمشكلة مشكلة مجتمع بأسره
والمجتمع هو اللي بيساعد بنشأة الجيل

**السبت يناير 19, 2008 12:09 am**

حكيك صحيح دموع

**الثلاثاء يناير 22, 2008 8:21 pm**

بسم الله الرحمن الرحيم

بالنسبة الي انا بقول وباختصار لانه مابدي اناقش هذا الموضوع في تفاصيله انه في خطأ من الطرفين الاهالي والشباب هاي الايام، فعلط الاهالي بتمحور في دورهم في انهم بكونوا بدهم الشخص مثل ما بدهم همه يعني مش ضايل الا انهم يصيروا يلعبوا فينا لعب، اما بالنسبة للشباب انا بقول انه احنا كشباب كل واحد عقله في راسه وكل واحد ربنا سبحانه وتعالى خلقلنا عقل نفكرفيه .....بتمنى انه تكون الفكرة وصلتكم ولو شوي .... ويعطيكم العافية ..........

**الثلاثاء يناير 22, 2008 8:36 pm**

وصلت ابو كشك
شاكرة مرورك ورأيك

دمت بخير
أختك في الله

هل جيلنا جيل فاشل ؟؟

هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟

رد: هل جيلنا جيل فاشل ؟؟